ວັດຕິກັນໄດ້ກ່າວໃນວັນເສົາວ່າ ສັນຕະປາປາໄດ້ເປັນໄຂ້ຫວັດແລະຈະບໍ່ໄດ້ອອກມາອວຍພອນປະຊາຊົນຢູ່ນອກຕາມປົກກະຕິໃນວັນອາທິດ ແຕ່ຈະໃຫ້ພອນຈາກພາຍໃນພຽງສອງສາມວັນກ່ອນການສະເຫຼີມສະຫຼອງວັນຄຣິສມາດກ່ອນວັນຄຣິສມາດ.
ສະພາບອາກາດທີ່ໜາວເຢັນແລະວຽກງານທີ່ຫຍຸ້ງຢູ່ຂອງສັນຕະປາປາໃນອາທິດຄຣິສມາດໄດ້ຖືກກ່າວເຖິງເປັນເຫດຜົນທີ່ເຮັດໃຫ້ຜູ້ມີອາຍຸ 88 ປີນັ້ນໃຫ້ພອນຈາກບ່ອນພັກອາໄສຂອງທ່ານຢູ່ທີ່ໂບດຂອງວັດSanta Marta.
ປົກກະຕິແລ້ວສັນຕະປາປາຈະເວົ້າກັບປະຊາຊົນຈາກປ່ອງຢ້ຽມຂອງໂບດວັດSt. Peter’s Basilica ທີ່ມີທິວທັດເຫັນຈະແຍກSt. Peter’s Square ໃນວັນອາທິດ.
ສຽງຂອງສັນຕະປາປາຟັງຄ້າຍກັບມີນ້ຳມູກໃນວັນເສົາເມື່ອທ່ານໃຫ້ຄຳອວຍພອນປະຈຳປີໃນວັນຄຣິສມາດແກ່ເຈົ້າໜ້າທີ່ຂອງວັດຕິກັນ.
ຜູ້ມີອາຍຸກວ່າ 80 ປີນີ້ເຄີຍເປັນໂລກອັກເສບປອດມາກ່ອນແລ້ວ ລວມທັງປີທີ່ຜ່ານມາເມື່ອທ່ານໄດ້ຮັບການປິ່ນປົວຢູ່ໂຮງໝໍ ແລະທ່ານຍັງໄດ້ພາດການປະຊຸມກ່ຽວກັບການປ່ຽນແປງສະພາບອາກາດຢູ່Dubai ໃນປີທີ່ຜ່ານມາເນື່ອງຈາກໄຂ້ໄອແລະການອັກເສບປອດ.
ສັນຕະປາປາເປັນໂລກອັກເສບປອດໃນຊ່ວງອາຍຸ 20 ປີແລະໄດ້ຮັບການຜ່າຕັດເອົາສ່ວນໜຶ່ງຂອງປອດອອກໃນໄລຍະນັ້ນ.
ວັນຄຣິສມາດກໍເປັນການເລີ່ມຕົ້ນຂອງປີສັກສິດຂອງວັດຕິກັນເຊິ່ງຄາດວ່າຈະມີຜູ້ໄປເຮັດກິດຈະກຳທາງສາສະໜາປະມານ 32 ລ້ານຄົນຈະໄປໂລມຕະຫຼອດປີ 2025.
ສັນຕະປາປາຈະເປີດປະຕູສັກສິດຂອງໂບດSt. Peter’s Basilica ໃນວັນຄຣິສມາດແລະໃນວັນທີ 26 ທັນວາ ທ່ານຈະໄປທີ່ຄຸກຫລັກຂອງໂລມເພື່ອເປີດຕົວການເລີ່ມຕົ້ນຂອງປີສັກສິດຢູ່ທີ່ນັ້ນ.
ປີສັກສິດ ຫຼືທີ່ຮູ້ຈັກກັນໃນນາມJubilee ນັ້ນປົກກະຕິແລ້ວຈະຈັດຂຶ້ນທຸກໆ 25 ປີ.
The Associated Press ແລະ Reuters ໄດ້ປະກອບສ່ວນໃນການລາຍງານນີ້.