ທ່ານ ໂຕະມິໂກ ອິໂຕໂອກະ ຍິງຊາວຍີ່ປຸ່ນ ຜູ້ທີ່ເປັນຄົນທີ່ມີອາຍຸສູງສຸດໃນໂລກ ອີງຕາມ Gerontology Research Group ໄດ້ເສຍຊີວິດແລ້ວ ເຈົ້າໜ້າທີ່ເມືອງອາຊິຢາ ກ່າວໃນວັນເສົາ. ນາງມີອາຍຸ 116 ປີ.
ທ່ານ ໂຢຊິດສຸກຸ ນາກາຕະ ເຈົ້າໜ້າທີ່ຮັບຜິດຊອບດ້ານນະໂຍບາຍຜູ້ສູງອາຍຸ ກ່າວວ່າ ທ່ານ ອິໂຕໂອກະ ໄດ້ເສຍຊີວິດໃນວັນທີ 29 ທັນວາ ທີ່ບ້ານຄຸ້ມຄອງຜູ້ສູງອາຍຸໃນເມືອງອາຊິຢາ ແຂວງຮິໂຢໂກ.
ທ່ານ ອິໂຕໂອກະ ຜູ້ທີ່ມັກກິນກ້ວຍ ແລະ ເຄື່ອງດື່ມຮສ ໂຍເກີດ ຂອງຍີ່ປຸ່ນທີ່ຊື່ວ່າ Calpis ໄດ້ເກີດໃນວັນທີ 23 ພຶດສະພາ ປີ 1908. ນາງໄດ້ກາຍເປັນຄົນທີ່ມີອາຍຸສູງສຸດໃນໂລກ ໃນປີກາຍນີ້ ຫຼັງຈາກການເສຍຊີວິດຂອງ ທ່ານ Maria Branyas ອາຍຸ 117 ປີ ອີງຕາມ Gerontology Research Group.
ເມື່ອນາງໄດ້ຮັບການບອກວ່ານາງຢູ່ໃນອັນດັບສູງສຸດຂອງ World Supercentenarian Rankings List ນາງໄດ້ຕອບງ່າຍໆວ່າ “ຂອບໃຈ”.
ເມື່ອທ່ານ ອິໂຕໂອກະ ໄດ້ສະເຫຼີມສະຫຼອງວັນເກີດຂອງນາງໃນປີກາຍນີ້ ນາງໄດ້ຮັບດອກໄມ້ ເຂົ້າຫນົມ ແລະ ບັດຈາກເຈົ້າເມືອງ.
ເກີດຢູ່ນະຄອນໂອຊາກາ ທ່ານ ອິໂຕໂອກະ ເປັນນັກກິລາວົວລີບອນໃນຊ່ວງຮຽນມັດທະຍົມ ແລະ ມີຊື່ສຽງດ້ານຈິດໃຈທີ່ສົດຊື່ນມາດົນແລ້ວ ທ່ານ ນາກາຕະ ກ່າວ. ນາງໄດ້ຂຶ້ນ ພູເຂົາອົນຕາເກ ສູງ 3,067 ແມັດ (10,062 ຟຸດ) ສອງຄັ້ງ.
ນາງແຕ່ງງານໃນອາຍຸ 20 ປີ ແລະ ມີລູກສາວສອງຄົນ ແລະ ລູກຊາຍສອງຄົນ ອີງຕາມ Guinness.
ທ່ານ ອິໂຕໂອກະ ໄດ້ບໍລິຫານຫ້ອງການໂຮງງານຜ້າຂອງສາມີໃນສົງຄາມໂລກຄັ້ງທີ II. ນາງໄດ້ອາໄສຢູ່ຄົນດຽວໃນ Nara ຫຼັງຈາກທີ່ສາມີຂອງນາງເສຍຊີວິດໃນປີ 1979.
ນາງມີລູກຊາຍ ແລະ ລູກສາວ ຫລ້ານສອງຄົນ. ພິທີສົບໄດ້ຈັດຂຶ້ນກັບຄອບຄົວ ແລະ ໝູ່ເພື່ອນ ອີງຕາມທ່ານ ນາກາຕະ.
ອີງຕາມ Gerontology Research Group ບຸກຄົນທີ່ມີອາຍຸສູງສຸດໃນໂລກໃນປະຈຸບັນແມ່ນ ນາງ Inah Canabarro Lucas ນັກບວດຊາວບຣາຊິນ ອາຍຸ 116 ປີ ຜູ້ທີ່ເກີດ 16 ວັນຫຼັງຈາກທ່ານ ອິໂຕໂອກະ.